Një ngjarje e rëndë është shënuar mbrëmjen e kaluar në qytetin e Durrësit. Personazhi i njohur në rrjetin social TikTok, Fabion Kuçi, i njohur si GUCCI, mbeti i plagosur në lagjen nr. 9, e njohur si Lagjja e Re.
Sipas Policisë, autori i dyshuar i ngjarjes është identifikuar dhe strukturat policore po punojnë për arrestimin e tij. Ndërkohë, i plagosuri është transportuar në spital, ku po merr ndihmën e nevojshme mjekësore dhe ndodhet jashtë rrezikut për jetën.
Fabion Kuçi rezulton me precedentë penalë jashtë vendit. Ai ka qenë i dënuar në Angli për disa vepra penale, ku ka vuajtur edhe dënim me burg. Pas kthimit në Shqipëri disa muaj më parë, Kuçi u bë mjaft aktiv në TikTok, ku shpeshherë përfshihej në debate dhe përplasje verbale me personazhe të tjerë të njohur të rrjeteve sociale, si Kozak Braçi dhe Xhemal Ujka, i njohur si “Fire”.
Policia vijon hetimet për të zbardhur plotësisht rrethanat e plagosjes dhe për të dokumentuar ligjërisht ngjarjen.
©️zërionline
