Arbër Paplekaj është liruar me kusht, pas vendimit të marrë nga Gjykata e Durrësit në një seancë gjyqësore të zhvilluar më 16 dhjetor. Ky vendim vjen pasi më 11 nëntor, e njëjta gjykatë i kishte akorduar Paplekajt edhe 90 ditë ulje dënimi, zbritje që aplikohet në vitin e fundit të vuajtjes së tij.
Ish-efektivi i Forcave të Armatosura po vuante një dënim me burg për vrasjen e Pjerin Xhuvani, ngjarje e rëndë e ndodhur në Elbasan në prill të vitit 2021, vetëm pak ditë para zgjedhjeve parlamentare.
Fillimisht, Paplekaj ishte dënuar për vrasje në rrethana cilësuese, por Gjykata e Apelit ndryshoi cilësimin e veprës penale në vrasje në kushtet e tronditjes psikike, duke i ulur dënimin përfundimtar në 7 vite burg.
©️zërionline
