E Ngarkuara me Punë e Shteteve të Bashkuara, Nancy VanHorn, zhvilloi një ditë më parë, një takim me kryetarin e Partia Mundësia, Agron Shehaj, ku u diskutua vizioni i kësaj force politike për ndërtimin e një të ardhmeje më të mirë për Shqipërinë.
Gjatë bisedës u theksua roli thelbësor që luan një opozitë aktive dhe funksionale në forcimin e demokracisë dhe garantimin e balancave institucionale. Palët ndanë mendime mbi rëndësinë e dialogut politik dhe angazhimit konstruktiv për përballimin e sfidave të vendit.
Në këtë kontekst, Ambasada e Shteteve të Bashkuara thekson se është e përkushtuar për të bashkëpunuar me udhëheqës nga i gjithë spektri politik, me synimin për të çuar përpara sigurinë dhe interesat e përbashkëta të dy vendeve.
©️zërionline
