Nëse për ty asgjë nuk e shpreh dashurinë më shumë sesa përqafimet e ngrohta, mbajtja për dore gjatë shëtitjeve, apo një puthje e vjedhur sa herë që të jepet rasti, atëherë me shumë gjasë gjuha jote e dashurisë është kontakti fizik. Ti ndoshta i adhuron të gjitha gjestet që përfshijnë prekje dhe nëse partneri nuk të mban për dore apo nuk të puth për natën e mirë, mendon menjëherë: “Sa e çuditshme!”. Të duket familjare? Atëherë ndoshta duhet të konsiderosh të takohesh me një nga shenjat e horoskopit që gjithashtu lulëzojnë përmes kontaktit fizik, në mënyrë që të mos dyshosh kurrë se sa shumë të do partneri yt.
Nëse nuk je i/e njohur me konceptin e “gjuhëve të dashurisë”, ai u prezantua për herë të parë nga Dr. Gary Chapman në librin bestseller të vitit 1992 të New York Times, “The Five Love Languages: How to Express Heartfelt Commitment to Your Mate”.
Gjuhët e dashurisë përfshijnë: fjalët e vlerësimit, dhuratat, veprimet e shërbimit, kohën cilësore dhe, sigurisht, kontakti fizik. Secila prej tyre përshkruan mënyrat e ndryshme se si njerëzit shprehin ose marrin më mirë dashuri nga partneri. Edhe pse është plotësisht e mundur që partnerë me gjuhë të ndryshme dashurie të kenë një marrëdhënie të lumtur dhe të përmbushur, ndarja e së njëjtës gjuhë dashurie ndihmon në ndërtimin e një themeli të fortë. Prandaj, nëse gjuha jote e preferuar është ajo e prekjeve, ja cilat shenja të horoskopit ka shumë gjasa të jenë në të njëjtën gjatësi vale me ty.
