Një aksident i rëndë rrugor me pasojë humbjen e jetës është shënuar mbrëmjen e sotme në Durrës. Sipas policisë, rreth orës 18:44, në rrugën paralele me atë të portit, në vendin e njohur si “Marfish”, një automjet tip Benz, i drejtuar nga shtetasi L. K., 28 vjeç, ka përplasur një këmbësor.
Si pasojë e aksidentit, këmbësori, shtetasi Rifat Murra, 68 vjeç, ka ndërruar jetë në vend, për shkak të plagëve të rënda të marra nga përplasja.
Drejtuesi i automjetit është shoqëruar në Komisariat për kryerjen e veprimeve të mëtejshme procedurale, ndërsa grupi hetimor ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit tragjik.
