Policia e Durrësit ka shpallur në kërkim dy bashkëshortë, administratorë të një qendre trajnimi për qen, të dyshuar për mashtrim ndaj qytetarëve. Specialistët për Hetimin e Krimeve të Komisariatit të Policisë Durrës bëjnë me dije se në kërkim janë shtetasit G. S., 40 vjeç, dhe R. S., 35 vjeçe, banues në Durrës, për veprat penale “Mashtrimi” dhe “Shkelja e karantinës së bimëve dhe kafshëve”.
Sipas kallëzimeve të dy shtetasve, R. I. dhe M. D., ata kanë dërguar qentë e tyre për trajnim pranë kësaj qendre, por më pas nuk i kanë marrë më, duke pretenduar se janë mashtruar nga administratorët e saj.
Policia po punon për kapjen e dy bashkëshortëve dhe për sqarimin e plotë të rrethanave të këtij rasti, ndërkohë që materialet procedurale i janë referuar Prokurorisë së Durrësit për veprime të mëtejshme.
©️zërionline
