Një ngjarje e rëndë ka goditur një familje në Durrës, pas humbjes së jetës së një foshnjeje vetëm pak orë pas lindjes në maternitetin e Spitalit Rajonal Durrës. Rasti ka vënë në lëvizje organet ligjzbatuese, ndërsa familjarët kërkojnë zbardhjen e plotë të rrethanave.
Specialistët për Hetimin e Krimeve në Komisariatin e Policisë Durrës kanë referuar materialet në Prokurori, ku ka nisur procedimi penal ndaj shtetasit Ivirt Shkreli, 43 vjeç, me detyrë mjek në këtë spital. Procedimi është regjistruar pas kallëzimit të bërë nga shtetasja A. B., e cila ka deklaruar se më 19.02.2026 ka sjellë në jetë foshnjën e saj dhe pretendon se për shkak të neglizhencës së mjekut, fëmija ka ndërruar jetë disa orë më vonë.
Humbja e një jete të saponisur është një dramë njerëzore dhe një ngjarje e rëndë për çdo familje. Megjithatë, raste të tilla, sado të dhimbshme, sipas mjekeve ne maternitetin e Durresit, mund të ndodhin edhe në praktikën mjekësore.
Në këtë fazë, pretendimet janë objekt hetimi. Do të jetë ekspertizat mjeko-ligjore dhe hetimet e Prokurorisë ato që do të përcaktojnë nëse kemi të bëjmë me neglizhencë mjekësore apo me ndonjë ndërlikim shëndetësor. Deri atëherë, procedimi penal mbetet një hap ligjor për zbardhjen e së vërtetës dhe jo një vendim mbi fajësinë.
©️zërionline
