Një aksident me pasojë vdekjen është regjistruar mbrëmjen e kësaj të marte në Berat.
Sipas informacionit paraprak të policisë, rreth orës 18:30, në aksin rrugor dytësor Berat-Roshnik, në fshatin Duhanas, shtetasi Saimir Ripi, 40 vjeç, banues në këtë fshat, duke drejtuar një motomjet dyshohet se ka humbur kontrollin mbi drejtimin e tij.
Si pasojë, motomjeti ka dalë nga rruga dhe ka rënë në kanalin kullues në anë të saj. Nga përplasja e fortë, 40-vjeçari ka pësuar dëmtime të rënda dhe, pavarësisht përpjekjeve për ta ndihmuar, ka ndërruar jetë.
Në vendngjarje kanë mbërritur shërbimet e policisë dhe grupi hetimor, të cilët po punojnë për të sqaruar rrethanat dhe shkaqet e plota të aksidentit.
©️zërionline
