Ministri i Shtetit për Qeverisjen Vendose, Ervin Demo, pas përfundimit të mbledhjes së qeverisë, ka folur në lidhje me sulmin kibernetik të ndodhur dje ndaj Postës Shqiptare nga Homeland Justice.
“Në momentin që flasim po bëhet një analizë e detajuar nga AKSHI dhe ekspertët e vetë Postës Shqiptare. Shërbimet e postës po vijojnë normalisht. Nuk ka të dhëna që po pengohet pjesa operacionale e Postës, por duhet të presim përfundimin e analizave. Dua të nënvizoj se Autoriteti Kombëtar i Luftës Kibernetike i ka kapacitetet që rrisin garancinë për integritetin e të dhënave publike në institucionet shqiptare. Kuptohet që jo të gjitha institucionet janë të përfshira në ombrellën e këtij institucioni, por Shqipëria është një nga vendet me avancimin më të madh në sigurinë kibernetike”, tha ministri.
Vetë AKSHI i ka kapacitetet që rrisin garancinë për integritetin e të dhënave publike në institucionet shqiptare”
©️zërionline
