Një aksident me pasojë vdekjen është shënuar pasditen e sotme në zonën e Kepit të Rodonit.
Rreth orës 16:45, në një terren me shkurre, një 52-vjeçar nga Tirana, duke drejtuar një motomjet me katër goma, dyshohet se ka humbur kontrollin dhe është rrëzuar.
Si pasojë e dëmtimeve, ai ka ndërruar jetë në vendngjarje.
Në mjet ndodhej edhe bashkëshortja e tij, 44 vjeçe, e cila ka mbetur e lënduar lehtë dhe ndodhet jashtë rrezikut për jetën.
Në vendin e ngjarjes ndodhet grupi hetimor, i cili po punon për zbardhjen e plotë të rrethanave dhe shkaqeve të aksidentit.
©️zërionline
