Nëse nuk i deklaron të sekuestrohen. Ky është fundi i parave të padeklaruara deri në momentin që do të verifikohet origjina e tyre dhe arsyeja e mosdeklarimit. Strukturat e Doganës Durrës në bashkëpunim me Policinë Kufitare sekuestruan sot 25,000 euro të padeklaruara, të zbuluara në një automjet të paraqitur për kontroll në vijën e dytë.
Pas verifikimeve dhe kontrollit fizik të mjetit në pronësi të një shtetasi italian shuma monetare u evidentua si e padeklaruar pranë autoriteteve përkatëse.
Shuma e sekuestruar iu kalua strukturave kompetente për vijimin e procedurave të mëtejshme, ndërsa kontrollet e përbashkëta polici-doganë raportohet se po vijojnë me qëllim garantimin e zbatimit të legjislacionit dhe sigurisë në pikat kufitare.
