Sot, policia kufitare ka bllokuar 8 mjete ujore në Ksamil për verifikim. Sipas burimeve policore, dyshohet se këto mjete ujore kanë fuqi motorike më të madhe se norma e lejuar.
Për këtë arsye, çdo mjet jet-car do të verifikohet nga Policia Kufitare dhe nëse konstatohen shkelje, do të merren masa ndaj poseduesve të tyre. Kontrolli vjen pas ngjarjes së rëndë të ndodhur ditën e djeshme në Ksamil, ku 22-vjeçari Albiano Kreçi u përplas me mjetin e Policisë Kufitare dhe humbi jetën në vend.
Verifikimet pritet të përcaktojnë nëse mjetet e bllokuara plotësojnë kriteret teknike dhe ligjore për qarkullim në det.
©ZëriOnline
