Një stuhi me shi,breshër dhe erëra të forta përfshiu qytetin e Elbasanit ditën e sotme duke shkaktuar problematika në disa zona, përfshi dhe qarkullimin.
Dy pemë janë rrëzuar dhe disa degë, ndërkohë që edhe një shtyllë tensioni të mesëm pësoi dëmtim.
Menjëherë kanë ndërhyrë ekipet e ASHP për marrjen e masave, largimin e pemëve të rrëzuara dhe evitimin e çdo incidenti të mundshëm.
Po ashtu ekipet e OSHEE morën masa për shtyllën e dëmtuar.
Bashkia Elbasan i ka bërë thirrje qytetarëve të tregojnë kujdes kur ka stuhi me erëra të forta pasi objekte mund të rrëzohen edhe nga pallatet, duke i kujtuar të shmangin daljet panevojshme pasi stuhitë zgjasin vetëm pak minuta.
©ZëriOnline
