Pesë automjete të tonazhit të rëndë janë përfshirë nga flakët këtë fundjavë në një gurore në fshatin Shpërdhet.
Ngjarja, sipas policisë, ka ndodhur rreth orës 02:30 të datës 4 korrik, shtetasi me iniciale B. A. ka njoftuar autoritetet se në gurores që ai administron dhe përdor, kishte rënë zjarr, duke shkaktuar dëme të konsiderueshme materiale.
Nga të dhënat e para dyshohet se zjarri mund të jetë vendosur qëllimisht nga persona ende të paidentifikuar, ndërsa flakët kanë shkrumbuar mjetet e rënda pune të punës. Dyshohet se ngjarje ka lidhje me konkurrencën në këtë sektor.
Menjëherë pas njoftimit, në vendngjarje ka mbërritur grupi hetimor, i cili nën drejtimin e Prokurorisë po punon për zbardhjen e plotë të rrethanave, identifikimin e autorëve dhe dokumentimin ligjor të kësaj ngjarjeje.
©ZëriOnline
