Një vrasje me armë zjarri është regjistruar mbrëmjen e kësaj të enjteje në Laç.
Mësohet se viktima është 40-vjeçari Ilirjan Lika, i cili është qëlluar me armë zjarri tek porta e banesës. Ai është qëlluar me plumb në kokë.
Viktima dyshohet se ka disa mbiemra dhe po verifikohet nëse ka precedent të mëparshëm penal.
Ende nuk dihen rrethanat e ngjarjes dhe motivet e krimit, ndërsa në vendngjarje kanë mbërritur forcat e policisë, të cilat kanë nisur hetimet për zbardhjen e plotë të ngjarjes dhe identifikimin e autorit ose autorëve.
Pritet që në vijim Policia e Shtetit të japë një njoftim zyrtar me detaje mbi këtë ngjarje të rëndë.
©ZëriOnline
