Disa zona të Elbasanit dhe rrethinave do të përballen me ndërprerje të përkohshme të furnizimit me energji elektrike gjatë ditëve në vijim.
Operatori i Sistemit të Transmetimit (OST) ka bërë të ditur se stakimet janë planifikuar për datat 3, 4, 5 dhe 8 shtator 2026, ndërsa në secilën prej këtyre ditëve energjia do të ndërpritet nga ora 06:30 deri në 16:00.
Pa energji elektrike do të mbeten përkohësisht Lagjja “Skënderbej”, bizneset, Fabrika e Tullës, Pompat Hajdaran, Shushica, Fushë Bulli dhe Tahiraj.
Shkak për ndërprerjet janë punimet që po kryhen në kuadër të projektit të Linjës 400 kV Fier–Elbasan–Qafë Thanë.
Sipas OST-së, për të garantuar sigurinë gjatë zhvillimit të punimeve do të kryhet stakimi i përkohshëm i Linjës 6 kV të Fidrit F6 në Nënstacionin “Kombinati i Drurit”.
Operatori u bën thirrje familjeve dhe bizneseve që preken nga ndërprerjet të marrin masat e nevojshme dhe të planifikojnë aktivitetin e tyre duke pasur parasysh datat dhe oraret e stakimit.
Furnizimi me energji elektrike pritet të rikthehet pas përfundimit të orarit të parashikuar të ndërhyrjeve.
©ZëriOnline
