Një zjarr ka rënë pasditen e sotme në zonën e Sukthit në Durrës, ku me të marrë njoftim ka shkuar shërbimi zjarrfikës dhe ka nisur ndërhyrja.
Zjarri ka rë në një sipërfaqe toke me barishte e shkurre në Katund Sukth. Në vendngjarje shkuan 2 mjete zjarrfikëse dhe efektivë, të cilët po punuan për parandalimin e përhapjes së zjarrit dhe neutralizimin e flakëve.
Sipas informacioneve paraprake, situata është nën kontroll dhe zjarri nuk ka shkaktuar pasoja në njerëz apo dëme të raportuara.
Shërbimet zjarrfikëse vijojnë punën në terren për shuarjen e plotë të vatrës.
©ZëriOnline
