Një aksident i rëndë rrugor ka ndodhur ditën e sotme në fshatin Gumenicë të bashkisë Selenicë, ku një automjet është përplasur fort me një furgon që transportonte pasagjerë. Si pasojë e goditjes së menjëhershme, 6 persona kanë mbetur të lënduar.
Menjëherë pas marrjes së njoftimit, në vendngjarje kanë shkuar mjetet e ndihmës së shpejtë. Të dëmtuarit u transportuan me autoambulanca drejt Spitalit Rajonal të Vlorës, ku po i nënshtrohen ekzaminimeve dhe po marrin trajtimin e nevojshëm mjekësor nga ekipet e urgjencës.
Në vendngjarje mbërritën edhe shërbimet e Policisë, të cilat kanë bllokuar perimetrin e aksidentit. Ekspertët po punojnë për dokumentimin e plotë të ngjarjes dhe zbardhjen e rrethanave e shkaqeve që çuan në përplasjen e dy mjeteve.
©ZëriOnline
