Gjykata e Durrësit ka vendosur sot zëvendësimin e masës së sigurisë nga “arrest në burg” me “arrest në shtëpi” për ish-drejtoreshën e filialit të Postës Shqiptare në Durrës, Elisabeta Mataj.
Mataj ndodhej në paraburgim prej muajit korrik, nën hetim për dyshimet mbi përvetësimin ne bashkepunim te rreth 69 milionë lekëve të rinj, fonde të destinuara për degët e Postës në Shijak dhe Krujë.
Provat e reja dhe ndryshimi i rrethanave cuan në vendimin e ri. Gjykata ka vlerësuar se në këtë fazë të hetimit nuk ka prova të mjaftueshme për vijimin e masës më të rëndë të sigurimit personal, teksa Mataj ka dhe femije te mitur.
Elisabeta Mataj është një nga tre zyrtaret e Postës së Durrësit të përfshira në hetim. Nën akuze mbetet ajo, ish-shefja e financës Valbona Duni dhe arkëtarja Paola Dana që janë në “arrest shtëpie”.
