Një shpërthim me lëndë plasëse ka ndodhur rreth orës 05:00 të mëngjesit në fshatin Fllakë të Durrësit.
Sipas informacionit paraprak, lënda plasëse ishte vendosur në derën e një lokali, në përdorim nga Ramazan dhe Erjon Balla. Lokali në momentin e shpërthimit ka qenë i mbyllur.
Nga shpërthimi janë shkaktuar vetëm dëme të vogla materiale. Nuk raportohet për persona të lënduar.
Grupi hetimor ndodhet në vendngjarje dhe po punon për dokumentimin e rrethanave, identifikimin e autorit dhe zbardhjen e plotë të ngjarjes.
