Një shpërthim i dyshuar me lëndë plasëse është regjistruar gjatë orëve të para të mëngjesit të sotëm në Fier, në ambientet e një subjekti privat.
Ngjarja ka ndodhur rreth orës 02:00, ndërsa nga shpërthimi është dëmtuar dera e jashtme e biznesit. Fatmirësisht, nuk raportohet për persona të lënduar, por vetëm për dëme materiale.
Ende nuk dihen shkaqet dhe rrethanat e ngjarjes, ndërsa mbetet e paqartë nëse shpërthimi ka lidhje me ndonjë konflikt të mundshëm të pronarit të subjektit apo me motive të tjera.
Menjëherë pas shpërthimit, në vendngjarje kanë mbërritur forcat e Policisë, të cilat kanë nisur hetimet për zbardhjen e plotë të ngjarjes.
Pritet që verifikimi i kamerave të sigurisë në zonë dhe marrja e dëshmive të ndihmojnë hetuesit në identifikimin e personave të përfshirë, si dhe në përcaktimin e motivit të mundshëm të vendosjes së lëndës plasëse.
©ZëriOnline
