Fabrika e kafesë “Enkelana” në Pogradec është përfshirë sërish nga flakët, duke shënuar incidentin e dytë të ngjashëm brenda një periudhe të shkurtër kohore.
Sipas informacioneve paraprake, zjarri ka përfshirë një sipërfaqe të konsiderueshme të objektit, ndërsa ende nuk dihen rrethanat në të cilat kanë nisur flakët.
Në vendngjarje kanë mbërritur ekipet zjarrfikëse, të cilat po ndërhyjnë për të shuar zjarrin dhe për të parandaluar përhapjen e mëtejshme të tij.
Të pranishme janë edhe forcat e policisë, të cilat po monitorojnë situatën dhe pritet të nisin hetimet për të përcaktuar shkaqet e incidentit.
Fatmirësisht, nga zjarri nuk raportohet për persona të lënduar, ndërsa përmasat e dëmeve materiale mbeten ende të paqarta.
Autoritetet nuk kanë dhënë ende një njoftim zyrtar lidhur me shkakun e zjarrit.
©ZëriOnline
