Presidentja e Republikës së Kosovës ka marrë vendim që dita e mërkurë, 3 korrik 2024, të shpallet ditë zie shtetërore, në nderim të kolosit të letrave shqipe, shkrimtarit shqiptar me famë botërore, Ismail Kadare. Zija shtetërore do të mbahet gjatë ditës së mërkurë, ditën kur edhe varroset Ismail Kadare.Në qershor të vitit të kaluar, presidentja Osmani e dekoroi shkrimtarin Ismail Kadare me urdhrin “Hasan Prishtina”, ndër Urdhrat më të lartë të cilin e jep Republika e Kosovës për personalitetet më të shquara të kombit, ndersa në gusht, ajo shpalli dekretin me të cilin shkrimtarit shqiptar me famë botërore, Ismail Kadare, i është dhënë nënshtetësia e Republikës së Kosovës.
@zërionline
