Një gomisteri u përfshi nga flakët pasditen e së dielës në Shkozet të Durrësit. Shërbimi zjarrfikës u njoftua shpejt dhe efektivët e tij mbërritën në vendngjarje me katër automjete zjarrfikëse për të vënë nën kontroll flakët.Për shkak të rrezikut nga përhapja e zjarrit, policia ka devijuar trafikun në segmentet e afërta rrugore, duke bllokuar përkohësisht lëvizjen e automjeteve.
Një pjesë e Shkozetit u përball me mungesën e energjisë elektrike për të shmangur pasoja edhe më të rënda. Një ekip i OSHEE-së ndodhet në vendngjarje. Falë ndërhyrjes së zjarrfikësve, flakët u vunë nën kontroll pa lejuar zjarrin të përhapej në bizneset dhe banesat përreth. Fatmirësisht, nuk raportohet për persona të lënduar, por janë shkaktuar dëme të konsiderueshme materiale.Po vijon puna për të zbuluar shkakun e këtij zjarri.
©️zërionline
