Një ngjarje e rëndë është shënuar pasditen e sotme në qytetin e Maliqit, ku një banesë është përfshirë nga flakët. Si pasojë e zjarrit kanë pësuar djegie tre persona, një nënë dhe dy fëmijët e saj të mitur.
Fillimisht, të tre u transportuan me urgjencë nga ambulancat drejt spitalit të Korçës, por fatkeqësisht, nëna Mejreme Azisllari dhe djali i saj 14-vjeçar, Luka nuk arritën t’i mbijetonin plagëve të marra. Ndërkohë, fëmija tjetër, 6 vjeç, ndodhet në gjendje të rëndë shëndetësore dhe po merr trajtim mjekësor intensiv.
Shkaqet e zjarrit ende nuk janë bërë të ditura, ndërsa forcat e policisë dhe zjarrfikëses ndodhen në vendngjarje për të përcaktuar rrethanat e tragjedisë.
Autoritetet kanë nisur hetimet për të zbuluar se çfarë çoi në përhapjen e flakëve që u morën jetën dy anëtarëve të një familjeje.
©️zërionline
