Gjykata e Posaçme ka rrëzuar kërkesën për lirim të ish-ministrit të Mjedisit Lefter Koka.
Koka, i dënuar në tre procese gjyqësore për aferën e inceneratorëve, kërkoi që gjykata të konstatonte humbjen e fuqisë së paraburgimit, duke argumentuar se ishte tejkaluar afati ligjor prej tre vitesh.
Ai ndodhet pas hekurave që nga dhjetori i vitit 2021. Deri tani, ka përfituar lirimin e parakohshëm për një nga dënimet dhe shuarjen e masës për një tjetër. Megjithatë, në burg e mban ende dënimi me 6 vjet e 8 muaj për çështjen e inceneratorit të Fierit, dosje që Gjykata e Lartë e ka kthyer për rigjykim në Apelin e Posaçëm.
Lefter Koka ka mbajtur postin e kryebashkiakut të Durrësit në vitet 2003–2007, si dhe deputetit, përpara se të bëhej pjesë e qeverisë si ministër i Mjedisit.
©️zërionline
