Një shpërthim i fuqishëm tronditi sot lagjen “Ndoc Mazi” në Shkodër. Rreth orës 11:35, sapo kishte ndezur makinën e tij, shtetasi 38-vjeçar, Enea Busukja, u plagos si pasojë e aktivizimit të një sasie lënde plasëse të vendosur në automjet.
Busukja është specialist i monitorimit pranë Drejtorisë së monitorimit në terren, në rajonin e veriut.
Ai u transportua menjëherë në spital, ku ndodhet jashtë rrezikut për jetën, ndërsa automjeti ka pësuar dëme të konsiderueshme.
Në vendngjarje kanë mbërritur shërbimet e Policisë dhe specialistët e kriminalistikës, të cilët po mbledhin prova dhe po punojnë për të zbardhur dinamikën dhe motivet e sulmit. Nën drejtimin e Prokurorisë, grupi hetimor ka nisur veprimet për identifikimin dhe kapjen e autorëve të dyshuar.
Hetimet vijojnë.
