Autori i dyshuar i vrasjes së 36-vjeçarit Dalan Alliaj është marrë në pyetje për më shumë se një orë nga hetuesit. Gjatë dëshmisë së tij, ai ka pranuar se ka kryer krimin, por ka refuzuar të zbulojë motivin, duke e cilësuar atë si “një arsye të fortë”.
“E vrava për një arsye të fortë që s’mund ta them tani, pasi i kisha thënë disa herë që duhet të reagonte”, – është shprehur Bertil Alliaj para oficerëve të policisë.
Sipas burimeve hetimore, i dyshuari ka lënë të kuptohet se mund të jetë i gatshëm të tregojë arsyen e vërtetë në një moment tjetër, ndërsa hetimet për zbardhjen e plotë të ngjarjes vijojnë. Paraprakisht dyshohet që shkak i vrasjes të jetë bërë një situatë e përsëritur që lidhet me cenimin e moralit, po priten hetimet për ta zbardhur motivin.
©️zërionline
