Një incident i rëndë ka ndodhur mesditën e së dielës në ambientet e Bashkisë Pogradec, ku një mbledhje e Këshillit Bashkiak me pjesëmarrjen e qytetarëve është ndërprerë nga një akt dhune.
Specialistët për Hetimin e Krimeve arrestuan në flagrancë 27-vjeçarin Kevi Muçllari, banues në Pogradec, i cili akuzohet për veprën penale “Goditje për shkak të detyrës”.
Sipas Policisë, më datë 10.11.2025, rreth orës 14:25, gjatë debatit që kishte nisur mes Muçllarit dhe disa anëtarëve të Këshillit Bashkiak, tensionet u përshkallëzuan. Fillimisht ai ka ofenduar verbalisht anëtarët e këshillit dhe më pas ka kaluar në dhunë fizike duke goditur me grusht Engjëll Shytin, 47 vjeç, anëtar i Këshillit Bashkiak.
Ngjarja u shënua përpara qytetarëve të pranishëm, ndërsa mbledhja u ndërpre për pak minuta.
Materialet procedurale i janë referuar Prokurorisë për vijimin e hetimeve dhe marrjen e masave të mëtejshme ligjore.
©️zërionline
