Kriminelët arritën të ndalonin automjetin e blinduar dhe gjatë operacionit u dëgjuan disa të shtëna armësh, por fatmirësisht asnjë nga punonjësit brenda furgonit nuk u plagos.
Itali – Një grabitje e organizuar ka tronditur provincën e Reggio Calabria-s, ku një grup komando ka sulmuar një automjet të blinduar përgjatë një segmenti të autostradës.
Sulmi ndodhi brenda një tuneli midis kryqëzimeve Scilla dhe Bagnara, në drejtim të veriut. Kriminelët arritën të ndalonin automjetin e blinduar dhe gjatë operacionit u dëgjuan disa të shtëna armësh, por fatmirësisht asnjë nga punonjësit brenda furgonit nuk u plagos.
Sipas vlerësimeve paraprake, sasia e parave të grabitura arrin rreth dy milionë euro.
Për të bllokuar trafikun dhe për të ndaluar çdo ndihmë të mundshme, autorët e krimit vendosën dy makina që më pas i dogjën, duke shkaktuar një bllokim total të qarkullimit, shkruan Corriere della Sera.
Pas ngjarjes në zonë shkuan zjarrfikësit dhe patrullat e policisë, të cilat siguruan zonën dhe nisën hetimet për identifikimin e autorëve./Shqiptarja
