Pas plagosjes me armë zjarri të TikTokerit të njohur Fabion Kuçi, i njohur si “Gucci”, policia ka dhënë të rejat e fundit për hetimet. Drejtoria Vendore e Policisë Durrës bën me dije se janë identifikuar dhe shpallur në kërkim tre persona: A. N., 38 vjeç, banues në Durrës; F. B., 22 vjeç, banues në Tiranë; dhe B. Ç., 34 vjeç, banues në Durrës.
Ngjarja ka ndodhur rreth orës 23:45 të datës 15.12.2025, te lokali në lagjen nr. 9, ku tre të dyshuarit afruan me dy automjete dhe qëlluan me armë zjarri drejt Fabion Kuçit, i cili u plagos lehtë.
Në vijim të hetimeve, policia ka sekuestruar disa fishekë luftarakë nga banesa e një prej të shpallurve në kërkim. Operacioni për kapjen e tre të dyshuarve vijon.
©️zërionline
