Dhuna mes të miturve vijon të mbetet një problematikë shqetësuese dhe e përsëritur në vend. Një tjetër episod i rëndë është regjistruar në orët e para të mëngjesit të sotëm në Sarandë, brenda ambienteve të një institucioni arsimor.
Ngjarja ka ndodhur në oborrin e shkollës jopublike “Dea”, ku dy nxënës të mitur, një 13-vjeçar me inicialet S. G. dhe një 15-vjeçar me inicialet R. H., janë përfshirë fillimisht në një debat verbal për motive banale, konkretisht se kush duhet të kalonte i pari. Ngjarja rreth orës 10:00. Konflikti verbal ka degraduar në dhunë fizike, kur 13-vjeçari dyshohet se ka nxjerrë një mjet prerës (thikë), duke goditur bashkëmoshatarin e tij, e më pas është larguar nga vendngjarja.
I mituri i plagosur është transportuar me urgjencë në spitalin lokal të Sarandës, ku ndodhet nën kujdesin e mjekëve dhe fatmirësisht jashtë rrezikut për jetën.
Ngjarja rikthen edhe një herë vëmendjen te nevoja urgjente për masa parandaluese, rritje të sigurisë në shkolla dhe përfshirje më të madhe të institucioneve, prindërve dhe psikologëve, për të frenuar fenomenin alarmant të dhunës mes të miturve.
©️zërionline
