Një aksident i rëndë automobilistik ndodhi natën e kaluar në Durrës, te Ura e dajlanit. Një automjet tip BMW X5 doli nga rruga dhe ra nga mbikalimi, duke përfunduar poshtë tij, në një hapësirë ku tregtohen lule.
Si pasojë e aksidentit, një vajzë 18-vjeçare humbi jetën, ndërsa drejtuesi i mjetit 26 vjeç nga Fieri, i plagosur rëndë ndodhet në spital. Të plagosur kanë mbetur dhe 2 këmbësorë, përkatësisht 33 dhe 35 vjeç.
Shërbimet e Policisë dhe zjarrfikësit kanë ndërhyrë për nxjerrjen e personave që ndodheshin brenda automjetit, ndërsa grupi hetimor, po punon për zbardhjen e plotë të rrethanave dhe shkaqeve të aksidentit.
Në një pjesë të mbikalimit të Urës së Dajlanit ka pasur punime së fundmi, në njërën korsi. Shpejtësia në drejtim dhe situata në rrugë mund ta ketë çuar të riun drejt një manovre të gabuar duke përfunduar jashtë mbikalimit. Nuk dihet ende nëse ka pasur edhe rrethana të tjera që kanë ndikuar në aksident.
©️zërionline
