Gjykata e Durrësit ka caktuar masën e sigurisë “arrest në burg” për 26-vjeçarin Arbëri Xhaxhaj, i dyshuar për kryerjen e veprave penale “Drejtimi i mjetit në mënyrë të parregullt” (neni 291 i Kodit Penal) dhe “Shkelja e rregullave të qarkullimit rrugor” (neni 290/3 i Kodit Penal).
Çështja penale u shqyrtua sot, nga gjyqtari i gatshëm Orgent Nazaj, në kuadër të vlerësimit të ligjshmërisë së arrestit dhe caktimit të masës së sigurimit personal.
Kërkesa u paraqit nga Prokuroria pranë Gjykata e Shkallës së Parë e Juridiksionit të Përgjithshëm Durrës, e përfaqësuar në seancë nga prokurorja Matilda Fetau.
Në përfundim të shqyrtimit gjyqësor, gjykata vendosi ndaj Arbëri Xhaxhajt masën e sigurisë “arrest në burg”. Hetimet për ngjarjen vijojnë.
Aksidenti i rëndë automobilistik ndodhi ndodhi dy netë më parë në Durrës, te Ura e dajlanit. Një automjet tip BMW X5 doli nga rruga dhe ra nga mbikalimi, duke përfunduar poshtë tij, në një hapësirë ku tregtohen lule.
Si pasojë e aksidentit, një vajzë 18-vjeçare humbi jetën, ndërsa drejtuesi i mjetit 26 vjeç nga Fieri, i plagosur rëndë ndodhet në spital. Të plagosur kanë mbetur dhe 2 këmbësorë, përkatësisht 33 dhe 35 vjeç.
©️zërionline
