Një konflikt i çastit ka degraduar në përdorimin e thikës në një lokal në qytetin e Korçës, duke lënë të plagosur një person.
Sipas informacioneve paraprake, mësohet se autori i dyshuar është një 17-vjeçar, i cili pas përplasjes fizike ka përdorur mjet prerës ndaj një 34-vjeçari. Ky i fundit ka pësuar dëmtime në dorë dhe është transportuar në spital, ku po merr ndihmën mjekësore dhe ndodhet jashtë rrezikut për jetën.
Burime pranë hetimit bëjnë me dije se i plagosuri kishte ardhur vetëm pak ditë më parë në Shqipëri, pasi jetonte në Greqi. Dyshohet se ngjarja ka pasur si shkak një ngjarje të mëparshme mes palëve. Dyshohet se i plagosuri, i identifikuar si shtetasi Bernard Qelemeni, rreth dy vite më parë është parë duke vjedhur banesën e të miturit dhe kur janë riparë në lokal ka nisur konflikti mes tyre.
Autori i mitur është shoqëruar në Komisariatin e Policisë Korçë, ku po kryhen veprimet procedurale, ndërsa policia po punon për zbardhjen e plotë të rrethanave të ngjarjes dhe dokumentimin ligjor të saj.
©️zërionline
