Një aksident me pasojë vdekjen është regjistruar mëngjesin e kësaj të hëne në aksin rrugor Durrës-Rrogozhinë. Rreth orës 09:30, një automjet i drejtuar nga shtetasi M. I. ka përplasur një këmbësor, i cili si pasojë e plagëve të marra ka humbur jetën në vend.
Viktima ende nuk është identifikuar, ndërsa drejtuesi i automjetit është shoqëruar në ambientet e Policisë për kryerjen e veprimeve procedurale. Grupi hetimor po punon për identifikimin e këmbësorit, si dhe për zbardhjen dhe dokumentimin e plotë të rrethanave të këtij aksidenti fatal.
Materialet procedurale i janë referuar Prokurorisë së Durrësit, e cila do të vijojë me veprimet e mëtejshme ligjore.
©️zërionline
