Një ngjarje e rëndë ka ndodhur mesditën e sotme në Librazhd, ku një 23-vjeçar ka humbur jetën pasi dyshohet se është dëmtuar aksidentalisht gjatë riparimit të mjetit të tij.
Sipas policisë, dyshohet se i riu është dëmtuar aksidentalisht gjatë kohës që po riparonte mjetin e tij në servisin e shtetasit me iniciale I. P.
Ai është transportuar me urgjencë drejt Spitalit të Librazhdit për të marrë ndihmë mjekësore, por nuk ka mundur dot t’u mbijetojë plagëve të marra.
Policia dhe grupi hetimor kanë nisur veprimet për sqarimin e plotë të shkaqeve dhe rrethanave të ngjarjes.
“Në spitalin e Librazhdit është dërguar për mjekim shtetasi L. D., 23 vjeç, i cili dyshohet se është dëmtuar aksidentalisht gjatë kohës që po riparonte mjetin e tij në servisin e shtetasit I. P.
Si pasojë e dëmtimeve të marra, 23-vjeçari ka humbur jetën.
Grupi hetimor po punon për zbardhjen e rrethanave dhe dokumentimin ligjor të rastit”, njoftoi policia.
