Një ngjarje e pazakontë ka ndodhur pak minuta më parë në Shtëpinë e të Moshuarve në qytetin e Gjirokastrës, ku një banore e këtij institucioni është rrëzuar aksidentalisht nga tarraca e godinës.
Sipas informacioneve paraprake, 72-vjeçarja Sheqere Zeko dyshohet se ka qenë duke u ajrosur në taracën e azilit, kur ka rënë nga nje lartësi prej disa metrash. Rrethanat e plota të ngjarjes nuk janë bërë ende të ditura, ndërsa mbetet e paqartë nëse rrëzimi ka ardhur si pasojë e një gjendjeje të papritur shëndetësore, marramendjeje apo faktorësh të tjerë.
Menjëherë pas incidentit, e moshuara është transportuar me autoambulancë drejt spitalit rajonal të qytetit, ku po merr trajtimin e nevojshëm mjekësor.
Burime paraprake bëjnë me dije se gjendja e saj është jashtë rrezikut për jetën, ndërsa pritet që të hidhet dritë mbi shkaqet e plota të kësaj ngjarjeje. Policia ka nisur hetimet për zbardhjen e plotë të rrethanave të rastit.
©️zërionline
