Kontrollet e Policisë Kufitare në hyrje-daljet e vendit kanë sjellë rezultatin e shpejtë 24 oret e fundit, dy persona u vunë në pranga gjatë tentativës për të kaluar kufirin në mënyrë të paligjshme.
Shtetasi G. B., 27 vjeç, nga Fushë Kruja, ishte shpallur në kërkim, pasi rezulton i dënuar nga Gjykata e Krujes, në vitin 2020, me 4 vjet e 8 muaj burgim për “Prodhim dhe shitje të narkotikëve”.
Ndërsa M. M., 28 vjeç, nga Tirana, u ndalua me një pasaportë, kartë identiteti dhe leje drejtimi të shtetit çek, që dyshohet të jenë të falsifikuara. Dokumentet u sekuestruan dhe materialet u referuan Prokurorisë për veprime të mëtejshme.
Policia Kufitare e PKK Port, Durrës deklaron se vijon kontrollet e imtësishme, të bazuara në analiza risku dhe informacione operative, për të parandaluar çdo shkelje të ligjit në hyrje-daljet e vendit.
©️zërionline
