Një ndërhyrje e shpejtë e Policisë së Sarandës ka parandaluar një ngjarje kriminale mes fqinjësh që mund të kishte përfundime tragjike.
Një 62-vjeçar, Sh. K., u arrestua pas njoftimit të një shtetaseje, e cila raportoi se fqinj i saj kishte hyrë në banesë i armatosur dhe kishte kanosur atë dhe familjarët e saj. Ngjarja ndodhi në lagjen nr. 4 të qytetit.
Policia u përgjigj menjëherë, duke shkuar në vendngjarje dhe neutralizuar situatën pa pasoja për personat e përfshirë. Gjatë kontrollit, uniformat blu sekuestruan një pistoletë me mulli, me të cilën dyshohet se shtetasi Sh. K. kishte kanosur fqinjët.
Burime nga hetimet paraprake tregojnë se konflikti kishte nisur për mosmarrëveshje lidhur me përdorimin e pjesës së përbashkët të pallatit, tarracën.
Materialet procedurale janë referuar Prokurorisë së Sarandës, e cila do të kryejë veprimet e mëtejshme ligjore.
Ngjarja shërben si një shembull i reagimit të shpejtë të policisë, duke parandaluar përshkallëzimin e dhunës në lagje.
©️zërionline
