Një shpërthim me lëndë plasëse raportohet të ketë ndodhur orët e para të mëngjesit të sotëm në qytetin e Lezhës. Burime policore bëjnë me dije se lënda plasëse i është vendosur automjetit të një agjenti krimesh në polici, shtetasit Gent Gjetja.
Nga shpërthimi nuk ka pasur persona të lënduar, por vetëm dëme materiale.
Ngjarja ka tronditur banorët në zonë, duke kthyer pasigurinë. Automjeti ishte i parkuar në rrugë. Forca policie ndodhen në vendngjarje dhe kanë nisur hetimet për zbardhjen e plotë të rrethanave dhe identifikimin e autorit apo autorëve të mundshëm të ngjarjes, ndërsa pritet të kuptohet më shumë nga marrja në pyetje e punonjësit të policisë për të hedhur dritë nëse ngjarja është për shkak të detyrës apo pas saj ka ndonjë motiv, konflikt për arsye personale.
©️zërionline
