Një tentativë grabitjeje është regjistruar në orët e para të mëngjesit në një argjendari në Pogradec, duke rikthyer shqetësimin për sigurinë e bizneseve në qytet.
Sipas pronarit, Lytfi Alia, persona të maskuar kanë tentuar të hyjnë me forcë në ambientet e dyqanit, por janë detyruar të largohen menjëherë sapo është aktivizuar sistemi i alarmit, pa arritur të marrin sende me vlerë.
Pamjet e kamerave të sigurisë tregojnë se tre persona të maskuar kanë përdorur një kriko makine për të hapur derën e argjendarisë, duke vepruar me shpejtësi dhe në mënyrë të organizuar.
Pronari shprehet se kjo është një situatë e përsëritur, pasi argjendaria e tij është grabitur edhe herë të tjera, ku dëmet kanë qenë të konsiderueshme.
I shqetësuar për vijimësinë e këtyre ngjarjeve, ai kërkon ndërhyrje më të fortë nga policia dhe identifikimin e autorëve, për t’i dhënë fund një serie sulmesh që, sipas tij, po përsëriten prej kohësh ndaj biznesit të tij.
©️zërionline
