Një aksident i rëndë me pasojë vdekje ka ndodhur mbrëmjen e sotme në Vlorë. Raportohet se si pasojë e aksidentit 2 persona kanë humbur jetën ndërsa një tjetër ka mbetur i plagosur rëndë.
Mësohet se dy automjete, një tip “Benz” dhe një mjet tjetër tip “Ford”, janë përplasur me njëri-tjetrin në aksin Vlorë–Kotë, në zonën e fshatit Drashovicë, përgjatë rrugës së lumit të Vlorës.
Raportohet se si pasojë e përplasjes së fortë, të dy drejtuesit e mjeteve kanë humbur jetën në vendngjarje. Ndërkohë, një person i tretë ka mbetur i plagosur rëndë dhe është transportuar me urgjencë drejt spitalit, ku po merr ndihmë mjekësore.
Në vendngjarje ndodhen forcat e policisë dhe grupi hetimor, të cilët po punojnë për zbardhjen e plotë të shkaqeve dhe rrethanave të aksidentit.
©️zërionline
