Spak ka zbarkuar në burgun e Durrësit, ku ka ushtruar kontrolle për sende të paligjshme në qelitë e të paraburgosurve VIP që kanë hetime apo gjykime në proces te SPAK e GJKKO.
Kontrollet e prokurorëve të Prokurorisë së Posaçme, i janë nënshtruar disa qeli, mes të cilave dhe ato ku qëndrojnë kryebashkiaku i Tiranës, Erion Veliaj dhe ish-ministri i shëndetësisë Ilir Beqaj.
Kontrollet e SPAK në ambientet e burgut të Durrësit synojnë parandalimin dhe goditjen e aktiviteteve të paligjshme që mund të zhvillohen edhe brenda institucioneve të vuajtjes së dënimit, si komunikimet e paligjshme, futja e sendeve të ndaluara apo ndikimi në hetime në vijim. Veprime të tilla kryhen në kuadër të hetimeve për korrupsion dhe krim të organizuar, si dhe për të garantuar integritetin e provave dhe barazinë përpara ligjit, pavarësisht statusit të personave të përfshirë, përfshirë edhe figura publike si Veliaj dhe Beqaj.
©️zërionline
