Ka përfunduar procesi i votimit në referendumin e votëbesimit në degët e Partisë Demokratike në Durrës dhe Shijak, ku kandidat i vetëm për kreun e partisë ishte lideri aktual Sali Berisha.
Në degën e Durrësit qytet, nga 2700 anëtarë në lista morën pjesë në votim 939 anëtarë, ose rreth 34.8% e anëtarësisë. Nga këto:
- 892 vota pro
- 29 vota kundër
- 10 abstenim
- 8 të pavlefshme
Ndërkohë, në degën e Durrësit që përfshin njësitë administrative Sukth, Manëz, Ishëm, Katund i Ri dhe Rrashbull, procesi u zhvillua me pjesëmarrje të konsiderueshme të anëtarësisë dhe mbështetje të fortë për kryetarin aktual. Pjesëmarrja në degën nr.2 të Durrësit ishte rreth 72.45%.
- 813 anëtarë në lista
- 589 votues
- 577 vota pro
- 5 kundër
- 4 abstenim
- 3 të pavlefshme
Edhe në degën e Shijakut është mbyllur më herët numërimi. Nga afro 800 anëtarë në lista votuan 320 anëtarë, ose rreth 40% e totalit. Rezultati ishte:
- 303 vota pro
- 16 vota kundër
- 1 abstenim
Rezultatet e deritanishme tregojnë një mbështetje të gjerë të anëtarësisë së Partisë Demokratike për liderin aktual Sali Berisha në degët kryesore të qarkut të Durrësit.
©ZëriOnline
