Bordi i Transparencës ka publikuar këtë të mërkurë çmimet e reja të karburanteve në vend, të cilat kanë hyrë në fuqi nga ora 14:00 e datës 28 maj 2026 dhe do të mbeten të vlefshme deri në vendimin e ardhshëm të bordit.
Sipas vendimit të marrë në mbledhjen e radhës, çmimi i shitjes me pakicë i gazoilit të standardit SSH EN 590 është përcaktuar jo më shumë se 187 lekë për litër, ndërsa çmimi i shitjes me shumicë jo më shumë se 175 lekë për litër.
Ndërkohë, benzina e standardit SSH EN do të tregtohet me pakicë jo më shumë se 174 lekë për litër, ndërsa me shumicë jo më shumë se 162 lekë për litër.
Autoritetet u kanë bërë thirrje sërish operatorëve të tregtimit të karburanteve të zbatojnë detyrimisht vendimin e bordit, duke paralajmëruar masa të forta në rast shkeljesh. Sipas njoftimit zyrtar, operatorët që nuk respektojnë çmimet e përcaktuara rrezikojnë pezullimin e aktivitetit.
©ZëriOnline
