Do të prehet në vendlindje 19-vjeçari italian që humbi jetën në një incident tragjik në Velipojë, pas përplasjes me Jet Ski në det, ku po argëtohej me vëllain e të fejuarës së tij. Viktima Nicola Iorio, 19 vjeç, u përplas për vdekje me Jet Ski-n, një aksident që ndodhi gjatë një momenti relaksues në plazh.
Nikola ndodhen në Jet-Ski me të fejuarën, ndërsa vëllai i saj ndodhej në një tjetër Jet Ski. Sipas policisë, gjatë manovrave në det mjetet janë përplasur dhe Iorio humbi jetën në spital. Pas kësaj blutë vunë në pranga kunatin e tij 20-vjeçar që akuzohet për vrasje nga pakujdesia. Ky incident ka tronditur të gjithë komunitetin në vendlindjen e Nikolas dhe ka sjellë një mori reagimesh nga të afërmit dhe të dashurit e viktimës.
Ndërkohë i ati Marcello dhe e ëma Filimena së bashku me të vëllain e motrën e viktimës kanë njoftuar se ceremonia mortore për Nicola Iorion do të zhvillohet më 23 gusht në Casal di Principe.
Familjarët e viktimës kanë pranuar fatkeqësinë duke përfshirë në dhënien e njoftimit të dhimbshëm edhe kunatin e arrestuar të djalit të tyre dhe familjen e tij, ndërsa kërkojnë të hidhet dritë mbi atë që ndodhi në det me Nikolën.
©️zërionline
