Një fëmijë 11-vjeçar ka humbur jetën në det paraditen e sotme në plazhin e Durrësit.
Sipas policisë, rreth orës 10:35, në lagjen nr. 13, Durrës, gjatë kohës që po lahej në det, dyshohet se është mbytur aksidentalisht një 11-vjeçar, banues në Tiranë. Djali kishte ardhur me familjen në plazh këtë të diel, po ajo që duhej të ishte ditë e bukur pushimi u kthye në tragjedi.
Grupi hetimor vijon punën për sqarimin dhe dokumentimin e plotë të rrethanave të ngjarjes, si dhe për përcaktimin e shkakut të mbytjes.
Të premten e kaluar, edhe dy vajza 9 dhe 11 vjeçe humbën jetën në plazhin e Tales në det.
