Gjykata e Korçës ka lënë në qeli Nikolla Agollin dhe David Priftin, pas plagosjes me armë zjarri të Brian Syzos në Pogradec.
Seanca gjyqësore për 24-vjeçarin dhe shokun e tij u mbajt pa praninë e medias. Ndaj tyre rëndojnë akuzat për “vrasje me paramendim, në bashkëpunim”, mbetur në tentativë, si dhe armë pa leje.
Gjatë seancës për masën e sigurisë, mësohet sr autori i dyshuar Nikolla Agolli ka pranuar se ka qenë një konflikt çasti mes tij dhe Brian Syzos. Sipas dëshmisë së tij para gjykatës, ai është sulmuar nga Brian Syzo dhe ka qëlluar ndaj tij për ta neutralizuar, që ai të ndalonte sulmin.
“Kisha mundësi ta vrisja dhe nuk e bëra”, ka thënë i arrestuari.
Lidhur me të arrestuarin tjetër, David Prifti, ai ka deklaruar se nuk ka lidhje me ngjarjen, po makinën e tij ia ka dhënë Nikollës dhe ka ikur me makinën e të fejuarës në plazh.
©ZëriOnline
