Një pikë e telefonisë celulare pranë kryqëzimit të madh të stadiumit në Durrës është grabitur gjatë ditës, ku një person dyshohet se ka marrë xhiron ditore të subjektit.
Sipas policisë, referuar pamjeve, autori nuk ka përdorur armë gjatë ngjarjes, por ka kërcënuar punonjësen që ndodhej në ambientet e biznesit dhe më pas ka marrë nga sirtari shumën e parave, duke u larguar menjëherë nga vendi i ngjarjes.
Pas sinjalizimit për grabitjen, policia ka nisur veprimet hetimore për identifikimin dhe kapjen e autorit. Janë sekuestruar edhe pamjet e kamerave të sigurisë së zonës dhe të subjektit, të cilat po analizohen për të zbardhur dinamikën e ngjarjes dhe për të siguruar prova që mund të ndihmojnë në arrestimin e personit të dyshuar.
©ZëriOnline
